USIMAMIZI WA MASHIRIKA YASIYO YA KISERIKALI (NGOs) YA KIPINDI CHA ROBO YA JULAI-SEPTEMBA , 2023

Tarehe iliyowekwa: November 13th, 2023

 Halmashauri ya Wilaya ya Igunga inaendelea kufanya kazi ya kuleta maendeleo katika sekta mbalimbali za kiuchumi na kijamii kwa kushirikiana na wadau wa maendeleo wa Mashirika Yasiyo ya Kiserikali (NGOs).

 Halmashauri ya Wilaya ya Igunga kupitia Idara ya Maendeleo ya Jamii imeendelea kutekeleza shughuli mbalimbali za maendeleo kwa jamii kwa kushirikiana na wadau wa Mashirika yasiyo ya kiserikali ambao wanaratibiwa chini ya dawati maalum la Uratibu wa Mashirika yasiyo ya kiserikali (NGOs) lililopo Idara ya Maendeleo ya Jamii lililoanzishwa kupitia “Mwongozo wa Majukumu ya Maafisa Maendeleo ya Jamii” mwaka 2019.

Usimamizi wa shughuli za Mashirika Yasiyo ya Kiserikali (NGOs) unatekelezwa chini ya “Sera ya Taifa ya Mashirika Yasiyo ya Kiserikali ya mwaka 2001 ikiwa na Sheria ya Mashirika Yasiyo ya Kiserikali Na. 24 ya mwaka 2002 kama ilivyofanyiwa marekebisho na Sheria Na. 11 ya mwaka 2005 na Sheria Na. 3 ya mwaka 2019 na kufuatiwa na Mwongozo wa Uratibu wa Mashirika Yasiyo ya Kiserikali Tanzania Bara wa mwaka 2020’’.

MASHIRIKA YANAYOTEKELEZA MIRADI YAKE KATIKA WILAYA YA IGUNGA

Halmashauri ya Wilaya ya Igunga ina wadau wapatao 11 ambao wanatekeleza miradi yao katika sekta mbalimbali za Maendeleo hapa wilayani.

Katika idadi hiyo Mashirika sita (6) yanaendelea na utekelezaji wa miradi yao, Mashirika matatu (3) yamemaliza muda wa utekelezaji wa miradi yao na Mashirika mawili (2) wamepokelewa na kutarajia kuanza miradi yao mwezi Oktoba, 2023.

Mashirika Yasiyo ya Kiserikali (NGOs) yanayotekeleza miradi yake hapa wilayani yamekuwa na mchango chanya katika kuchochea maendeleo kwa jamii zetu kwa kuleta/kusogeza huduma mbalimbali za kijamii na kiuchumi zinazosaidia kupunguza adha na changamoto zinazozunguka jamii hizo.

SHUGHULI ZILIZOTEKELEZWA KATIKA ROBO YA JULAI-SEPTEMBA, 2023.

Mhe. Mwenyekiti, Katika kipindi cha robo ya kwanza ya Julai-Septemba ya mwaka wa fedha wa 2023 / 2024 Halmashauri imetekeleza yafuatayo:-

• Imehusisha Kanzidata (database) ya wadau wote wa Mashirika Yasiyo ya Kiserikali yanayotekeleza Miradi yake hapa Wilayani Igunga.
• Imetoa elimu ya uanzishwaji na usimamizi wa Mashirika Yasiyo ya Kiserikali kupitia mikusanyiko na maombi mbalimbali kutoka kwa jami.
• Imejengea uwezo na kusaidia mashirika mapya kupata usajili kulingana na Miongozo iliyopo ya Mashirika Yasiyo ya Kiserikali (NGOs).
•  Imeendelea kuhakiki mashirika yanayotekeleza miradi yake katika Halmashauri hii.

MAFANIKIO 

 katika usimamizi wake Halmashauri imeweza kufanikiwa yafuatayo:-

• Halmashauri imekuwa na Kanzidata ya Wadau wa Mashirika Iliyohuishwa.
• Imefanikiwa kuzijengea uwezo Asasi mbili na kuziwezesha kufanya usajili.
• Kupitia ushirikiano unaotolewa na Halmashauri, wadau wameweza kufikisha baadhi ya  huduma mbalimbali ngazi ya jamii kama vile afya, elimu, msaada wa kisheria nk
• Mashirika yametengeneza ajira kwa jamii kupitia shughuli zake mbalimbali.
• Wadau wamepata mwitikio chanya na kuanza kutoa ushirikiano katika mambo mbalimbali
• Kufanyika kwa vikao vya Wadau na uwasilishaji wa taarifa za utekelezaji wa miradi kama Mwongozo wa Mashirika yasiyo ya kiserikali unavyoelekeza.
• Kuimarika kwa Mahusiano baina ya Halmashauri, Wadau wa Mashirika yanayotekeleza miradi hapa wilayani na Wawakilishi wa Baraza la Mashirika yasiyo ya kiserikali (NACONGO) ngazi ya Mkoa.

ORODHA YA MASHIRIKA YANAYOTEKELEZA MIRADI  YAKE WILAYANI IGUNGA