Kilimo

Maeneo yenye fursa za  kibiashara katika sekta ya kilimo

Asilimia 97  ya wakazi wa wilaya ya Igunga wanategemea sana kilimo kama shughuli kuu ya kiuchumi na kujiongezea usalama wa chakula.

Fursa za kibiashara katika mazao mchanganyiko

Wilaya ya Igunga inazalisha mazao ya chakula na biashara. Mazao ya chakula ni mahindi, mpunga, muhogo, viazi vitamu, mtama na mikunde. Mazao ya biashara ni pamba, alizeti, karanga,ufuta, choroko na korosho

Fursa za kibiashara katika mazao mchanganyiko 

Wilaya ya Igunga inazalisha mazao mengine ya biashara ukiacha zao la mpunga na pamba ambayo yanaweza kufanyiwa uwekezaji wa kibiashara na yakaleta tija kwa maendeleo ya wakulima na wilaya kwa ujumla wake. Mazao hayo ni alizeti, choroko na ufuta

Jedwali: Uzalishaji wa mazao haya kwa misimu 2014/2015 hadi 2017/2018

Fursa za kibiashara zinazotokana na mazao ya alizeti, choroko na ufuta

• Kuweka viwanda vya kukamua mafuta ya alizeti na ufuta
• Kuwekeza katika vituo vya kununulia mazao mchanganyiko katka vijiji wilayani kote yanakolimwa mazao haya.
• Kuweka viwanda vya kuongeza thamani ya zao la choroko.
• Kuanzisha viwanda vya kutengeneza vyakula vya mifugo.

Vivutio vya kibiashara

• Uwepo wa umeme wa grid ya taifa ambao umefika hadi vijijini
• Uwepo wa barabara kuu ya lami inayoenda mikoa ya jirani na nje ya nchi
• Barabara za vijijini (feeder roads) zinazoendelea kuimarishwa na TARURA
• Maji ya uhakika yatakayoletwa na bomba la ziwa Victoria
• Uwepo wa taasisi za kifedha wilayani Igunga
• Uwepo wa amani na usalama katika Wilaya

Fursa za kibiashara katika zao la pamba

Wilaya ya Igunga ndiyo inaongoza kwa uzalishaji wa pamba katika mkoa wa Tabora. Asilimia 94 ya pamba yote inayozalishwa mkoani Tabora inatoka wilaya ya Igunga. Eneno linalolimwa pamba hapa wilayani limekuwa likiongezeka kila mwaka ingawaje mavuno yake yamekuwa yakiathiriwa na hali ya ukame na mlipuko wa wadudu/ magojwa ya mimea.

 Uzalishaji wa pamba wilayani igunga misimu ya 2014/2015 hadi 2017/2018

Jedwali : Uzalishaji wa zao la pamba msimu 2013/14 hadi 2017/2018

Kielelezo: Uzalishaji wa zao la pamba ukilinganisha na malengo, utekelzaji na uzalishaji

Kutokana na uwezo wa kuzalisha pamba kwa kiasi kikubwa, fursa za kibiashara katika sekta ndogo ya pamba ni kama ifuatavyo:-

• Kujenga viwanda vya kuchambua pamba ukizingatia viwanda 2 vilivyopo vinasaidiwa na viwanda vilivyoko nje ya wilaya ya Igunga  Viwanda hivi ni vile vya kuchambua pamba  (ginning), kukamua mafuta ya pamba (oil mills) na kutoa mbegu manyoya (delinting) ukizingatia Igunga ni kitalu cha taifa cha kuzalisha mbegu hapa nchini.
• Eneo la wilaya lina fursa ya upatikanaji wa pamba kwa ajili ya viwanda vya kusokota nyuzi na kufuma nguo.
• Viwanda vya utengenezaji wa bidhaa zinazotokana na nyuzi za  pamba kwa ajili ya matumizi ya tiba na usafi
• Kuwekeza katika zana za kilimo kwa kuziuza, kukodisha na kukopesha kwa wakulima.
• Uzalishaji wa zao la Pamba
• Ujenzi wa maghala
• Usafirishaji na Ununuzi wa pamba

Vivutio katika kibiashara

• Uwepo wa umeme wa grid ya taifa ambao umefika hadi vijijini
• Uwepo wa barabara kuu inayoenda mikoa ya jirani na nje ya nchi na zile  za vijijini (feeder roads) zinaendelea kuimarishwa na TARURA
• Maji ya uhakika yatakayoletwa na bomba la ziwa Victoria
• Taasisi za kifedha zipo wilayani Igunga
• Vyama vya msingi vya Ushirika 41 vyenye wakulima wanaolima maeneo makubwa ya pamba.
• Uwepo wa wataalam wa kilimo kwa ajili ya huduma za ugani kwa wakulima
• Uwepo wa amani na usalama katika Halmashauri ya Wilaya.

Fursa za kibiashara katika kilimo cha umwagiliaji

Halmashauri ya wilaya ya igunga ina eneo la jumla ya hekta 11,547  zinazofaa kwa kilimo cha Umwagiliaji. Maeneo ambayo yamebainishwa kwa ajili ya uwekezaji wa  kibiashara wa kilimo cha Umwagiliaji kwa uzalishaji wa zao la mpunga ambalo ndiyo zao la kipaumbele linalofaa kwa chakula na biashara hapa wilayani yana eneo la hekta 8,097. Mchanganuo wa maeneo yanayofaa kwa uwekezaji wa kibiashara wa kuzalisha zao la mpunga kwa njia ya umwagiliaji ni kama ifuatavyo:-

Jedwali: Maeneo yanayofaa kwa kibiashara wa kilimo cha umwagiliaji wilayani Igunga

Aina ya fursa za kibiashara unaohitajika katika eneo hili la kilimo

• Ujenzi wa viwanda vya kuongeza thamani ya zao la mpunga kwa lengo la kupata bei nzuri sokoni
• Ujenzi wa viwanda vinavyotumia mali ghafi zinazotokana na masalia ya mpunga kama mkaa, mbao laini, chakula cha mifugo, samani n.k
• Ujenzi wa miundombinu ya umwagiliaji (kama mabwawa, mifereji, mabomba, mashamba/ plots) kwa lengo la kuongeza tija inayolenga uzalishaji zaidi kwa muda mfupi ili kuleta ufanisi kwa wakulima watakaolipia gharama za miundombinu na kuzalisha mali ghafi kwa ajili ya viwanda vya mpunga.
• Ujenzi wa maghala makubwa ya kuhifadhia zao la mpunga kabla ya kuongezwa thamani na kupelekwa sokoni
• Uuzaji wa pembejeo za kilimo kama mbolea , madawa na vifungashio katika maeneo yanayozalisha mpunga na mazao mengine.
• Biashara katika zana za kilimo kama matrekta,mashine za kupandikiza mpunga, mashine za kuvunia mpunga na kuchakata mpunga kwa lengo la kuziuza au kuzikodisha kwa wakulima.

Maeneo makubwa yanayofaa kwa kilimo cha Umwagilaji

Ujenzi wa mabwawa makubwa

Miundombinu ya Umwagiliaji

Vivutio vya  kibiashara katika kilimo cha umwagiliaji  wa zao la mpunga

• Uwepo wa Maeneo yanayofaa kwa umwagiliaji
• Uwepo wa miradi mikubwa ya umwagiliaji
• Uwepo wa maeneo yanayofaa kwa kilimo cha umwagiliaji zaidi ya hekta 8,097.
• Uwepo wa umeme wa grid ya taifa ambao umefika hadi vijijini
• Uwepo wa barabara kuu inayoenda mikoa ya jirani nanje ya nchi
• Barabara za vijijini (feeder roads) inaendelea kuimarishwa na TARURA
• Uwepo wa fursa kubwa ya kuvuna maji ya mvua kwa kukinga matuta makubwa (earthfill dams)
• Uwepo wa mabonde makubwa yenye udongo wenye rutuba
• Uwepo wa Taasisi za kifedha wilayani Igunga
• Uwepo amani na utulivu katika Wilaya