Utumishi

Idara ya Utawala na Utumishi ni Idara katika Halmashauri ya Wilaya ya Igunga ambayo kwa ujumla wake inasimamia Idara na vitengo vyote kwa masuala ya kiutumishi ambayo yako kwa mujibu wa sheria, taratibu, kanuni na miongozo mbalimbali ya utumishi wa Umma. Hii ni katika kuhakikisha kuwa watumishi waliopo kwenye Halmashauri wanawajibika kikamilifu na kwa ufanisi na hatimaye kuleta tija katika jamii wanayoihudumia.

Majukumu ya Idara ya utawala 

1. Kusimamia masuala yote ya ajira za watumishi katika Halmashauri ya Wilaya
2. Kusimamia kuthibitishwa watumishi kazini na upandishwaji vyeo watumishi kwa mujibu wa Sheria, Kanuni na Taratibu za Utumishi wa Umma.
3. Kutafiti uwezekano wa upatikanaji wa mahitaji ya watumishi
4. Kuhakikisha watumishi wanapata stahiki za msingi na haki zao kazini
5. Kusimamia upimaji utendaji kazi wa wazi (OPRAS) ambao ndio mfumo unaotumika kupima utendaji kazi wa Watumishi wa Umma
6. Kuandaa makisio ya Ikama na mishahara ya Watumishi
7. Kushughulikia malipo ya watumishi wanapostaafu, wanapofariki pamoja na kuacha kazi
8. Kusimamia kuendeleza watumishi kwa kuwapatia mafunzo mbalimbali, mafunzo mahala pa kazi, mafunzo ya muda mfupi na mafunzo ya muda mrefu.